Achámonos arestora na conta atrás para que a Unión Europea dea a coñecer con todo detalle a súa folla de ruta para a descarbonización do sector pesqueiro e que este acade a neutralidade climática en 2050.
Porque cando cheguemos á metade deste século, a pesca da UE tanto na frota de pequena escala (artesanal) como nas de altura ou grande altura, deberán ter perfectamente definida a neutralidade climática, que é aquela que se acada cando as emisións de gases de efecto invernadoiro (GEI) liberadas a atmosfera, se equilibran exactamente coas que se lle retiran. Esto xera un balance de cero emisións netas, obxectivo vital para limitar o quecemento global segundo o Parlamento Europeo.
Lograr o obxectivo de cero emisións netas require unha redución significativa das emisións combinadas con accións de eliminación de carbono para compensar as emisións residuais. O coñecido como Pacto Verde Europeo é, polo tanto, acadar a neutralidade climática ou equilibrio de cero emisións netas para o ano 2050.
E deberá facerse desde a formulación de seis “rutas” que conducen desde un escenario de continuidade -ou medidas específicas- a unha alternativa con buques de nova construción totalmente descarbonizados con e-combustibles sintéticos producidos con electricidade renovábel, auga e CO2 capturado no caso das frotas de altura e propulsión con baterías no da frota de pequena escala e biocombustibles para os que manteñan a propulsión con motores diesel. En cada un dos casos, se analiza o impacto acadado no que atinxe á redución de emisións e tamén o custe económico de logralo. Falamos de 25,5 mil millóns de euros no escenario máis ambicioso. Un reto transcendental para unha frota, a europea, que non pasa polos seus mellores momentos. Especialmente a galega.
…
