Este venres 10 de xullo comezan na parroquia boirense de Cures as Festas do Verán 2026, que ofrecerán actividades lúdicas, culturais, relixiosas e gastronómicas ao longo de toda a fin de semana (dende o venres ata o domingo 12 de xullo).
A axenda dará comezo o venres 10 de xullo ás 22.30 cunha verbena amenizada por Leite con Jalletas e DJ Curi e Xacobo.
O día seguinte adicado a San Antón, comezará con dianas e alboradas e logo cunha sesión vermú a cargo do Dúo All Stars.
Previamente, ás 12.30 horas, haberá unha misa solemne na honra de San Antonio con música tradicional a cargo de Abeloura. Tamén haberá xogos para a rapazada e unha festa da escuma.
Pola tarde na pista deportiva de Ameán celebrarase o Torneo de Bolos “Festa de Cures”.
Pola noite, verbena con Blanca Doble e DJ Manux.
O domingo 12 de xullo comezará con dianas e alboradas e cunha misa solemne adicada ao Sacramento. Logo comezará unha sesión vermú co Grupo Open Drink.
Organiza a veciñanza de Cures coa colaboración do Concello de Boiro.
