Este sábado 11 de xullo vaise celebrar a Festa de San Benito de Seráns, unha importante celebración relixiosa, gastronómica e cultural de gran tradición no concello do Porto do Son e en toda a comarca do Barbanza. A festa celebrarase na capela de San Benito no núcleo de Seráns (San Pedro de Muro) durante todo o día. Haberá sesión vermú con Dripper’s. A vertente gastronómica será achegada pola Pulpería Loureiro. Pola tarde, a partir das 17.00 horas celebrase un campionato de pulsos. Logo haberá xogos populares para persoas de todas as idades. Máis tarde retomarase a música con DJ Tahume. Organiza a Comisión de Festas de San Pedro de Muro coa colaboración do Concello do Porto do Son.
