A inestabilidade meteorolóxica continuará marcando o ritmo en Galicia durante a xornada deste martes, 14 de xullo, San Camilo. A comunidade seguirá baixo a influencia dunha baixa relativa localizada ao oeste da península Ibérica, o que manterá o territorio nun réxime de ventos do sur, polo xeral frouxos.
O comportamento do tempo variará de oeste a leste:
- Rías Baixas e Santiago de Compostela: Agárdase unha xornada de ceos parcialmente nubrados, coas nubes máis compactas e persistentes concentradas nas comarcas atlánticas. Aínda que o risco de precipitacións nestas zonas é baixo, a sensación será de ceos tapados durante boa parte do día.
- Interior de Galicia: Pola tarde poderán rexistrarse algúns chuvascos illados nas provincias de Lugo e Ourense.
Termómetros contidos para a época do ano
As temperaturas experimentarán poucos cambios ou, en todo caso, lixeiros ascensos en comparación cos días anteriores. Con todo, os valores seguirán sendo moi suaves e incluso baixos para o que é habitual a mediados de xullo nalgúns puntos da comunidade. (máximas de 25 graos).
O noso mar; Vento do sur á mañá, do sudoeste á tarde e do sueste á noite, forza 2 a 3 á mañá e 2 a 4 á tarde e á noite. Mar ovellado. Visibilidade boa. Mar de fondo do noroeste, con ondas de 0.5 a 1 metros.
