Chegaron ao aeroporto Adolfo Suárez de Madrid-Barajas. Era primeira hora da tarde do luns. Visitaron aos Reis de España no palacio da Zarzuela e ao presidente do Goberno na Moncloa. A continuación, nun autobús descuberto, fixeron unha ruada por Madrid que rematou en Cibeles. Calculan que foi máis dun millón e medio as persoas que, na capital de España, seguiron con paixón ao equipo que integra a selección nacional española de fútbol. Moitos máis seguimos á bicampioa do mundo de fútbol na desputa televisada o domingo coa selección nacional de fútbol de Arxentina á que os españois gañaron merecidamente no estadio de Nova York por 1-0.
Algúns xogadores arxentinos non aceptaron deportivamente a derrota, cousa que si fixo Messi e o propio Sacaloni, ex-xogador do Deportivo da Coruña e actual seleccionador de Argentina. Esa actitude pouco ou nada deportiva vai ser analizada pola FIFA. Nomeadamente pola agresiva actuación de Almada e Paredes co español Gavi durante a entrega de trofeos. O organismo internacional de fútbol decidirá se abre expediente sancionador contra estes dous xogadores e outros da selección albiceleste que amosaron o seu “mal perder” mentres Messi, afastado dos seus, choraba por un resultado co que, posiblemente, poucos ou ningún deles contaban.
Malia esa conduta tan pouco edificante, a selección española engade unha segunda estrela ao seu escudo, coma recoñeceron os preto de dous millóns de persoas que a acompañaron na rúa por Madrid.
