En España, o poder lexislativo corresponde ás Cortes Xerais. O Congreso dos Deputados é o encargado de crear, modificar e derrogar as leis, amais de controlar e fiscalizar a acción de goberno. Debate, elabora e aproba as leis que rexen a sociedade e actúa como a voz da cidadanía, xa que logo os seus membros son elixidos democraticamente. É asemade a encargada de elixir ao presidente do Goberno, Pedro Sánchez, actual xefe do Executivo, foi elixido -malia non ser o seu partido (PSOE) o que acadou a maioría dos votos electorais, que correspondeu ao PP-. Sen embargo, constituída a cámara baixa, os votos da maioría dos deputados electos decantáronse polo candidato socialista á presidencia do Goberno, quedando constituído este na actualidade por unha coalición PSOE/SUMAR con apoios circunstanciais de Podemos, ERC, PNV e Junts.
Con dificultades, o Goberno de Sánchez goberna. Unha formulación que o PP e VOX non aceptan, o que motiva que na actualidade, o PP reformule a súa disposición a gobernar -necesariamente tamén tería que ser en coalición e con VOX, porque ningún outro partido acepta compartir un Goberno do que VOX forme parte- m diante unha fórmula ilegal: que sexa a cámara baixa a que decida a aplicación dunha aparente cuestión de confianza, cando non unha simulada moción de censura que, por si mesmos, non se atreve a presentar, consciente da falta dos apoios necesarios para gañar este envite.
Tamén o intenta, pero doutro xeito, o catalán Junts, que se atopa no mesmo vieiro.
O presidente nacional do PP dixo nunha ocasión que non era presidente de España porque non quería e, á vista de como están as cousas, semella que vai ter que seguir na agarda ata que Pedro Sánchez determine a data das próximas eleccións xerais.
En 2027 ou antes?. Nada hai decidido, mais semella que non se van convocar en 2026.
