As redes sociais e como manexalas con seguridade centran unha xornada este mércores 3 de xuño en Noia, no Edificio do Casino. Na sesión, moi focalizada nas novas xeracións, achegaranse claves para que a mocidade saiba identificar os discursos que perpetúan estereotipos, desigualdades ou violencias dixitais.
Desde o Centro de Información á Muller (CIM) de Noia, en coordinación coa Deputación da Coruña (a través do programa De fronte á violencia de xénero), organizan o obradoiro Quen é quen nas redes sociais?, un espazo de reflexión e aprendizaxe sobre os discursos arredor da feminidade e a masculinidade nas RRSS e a súa relación coas violencias dixitais.
A actividade desenvolverase dende as 19.00 ata as 20.30 horas. Trátase dunha sesión aberta ao público de 13 anos en adiante.
