As Rías Baixas e a área de Santiago estarán este mércores baixo a influencia anticiclónica, aínda que con certa inestabilidade debido á presenza de aire frío en capas altas.
A xornada comezará con ceos pouco nubrados ou despexados, con presenza de brétemas no litoral e néboas en zonas do interior. Co avance do día, medrarán nubes de evolución.
As temperaturas mínimas manteranse sen cambios significativos, mentres que as máximas experimentarán un lixeiro ascenso(28 a 30 graos). O vento soprará de compoñente norte, frouxo en xeral e algo máis intenso no litoral atlántico.
O noso mar; vento do norte á mañá e á noite e do noroeste á tarde, forza 2 a 4 á mañá e 3 a 4 á tarde e á noite. Marusía. Visibilidade regular á mañá e á noite e boa á tarde. Mar de fondo do noroeste, con ondas de 0.5 a 1.5 metros.
