Os montes quéimanse por falta de compromiso das diferentes Administracións Públicas. A comezos de cada verán repítese a mesma película, lume e destrución da contorna natural por falta de prevención.
A Xunta de Galicia, así como cada un dos Concellos e Mancomunidades de Municipios, teñen a obriga legal de velar pola riqueza natural da contorna a través das medidas de prevención dos riscos de incendios e para iso teñen que ordenar o territorio, poñendo os medios humanos e materiais necesarios para a limpeza dos montes, dos piñeirais ou leiras máis próximas aos núcleos de poboación.
Os danos materiais e humanos son cuantiosos, implicando un enorme gasto para as Administracións Públicas moito máis que se se utilizasen, durante todo o ano, as medidas de prevención adecuadas, creando emprego e revitalizando as localidades de todo a contorna. Non podemos tampouco esquecernos dos prexuízos ocasionados para a pesca e o marisqueo.
Cando serán conscientes, desde a Xunta de Galicia, de que os incendios son un problema para a nosa Comunidade?, tendo en conta de que a maioría son evitables e moi minoradas as súas consecuencias.
