O Concello de O Porto do Son, xunto ao CEIP Portosín e as Confrarías de Pescadores de Porto do Son e de Portosín organizan este mércores 17 de xuño durante a mañá, a partir das 10.00 horas, unha xornada intensivo de limpeza de praias.
A xeira de traballo levarase a cabo nos areais de Entrepuntas e de Coira. Un dos obxectivos da xornada é concienciar e sensibilizar ás novas xeracións sobre a importancia de manter limpas as praias e, en consecuencia, o noso mar. Porase o foco nos plásticos (sempre presentes, por desgraza, nos nosos areais) pero tamén en apeiros de pesca que se degradan nas praias e que en ocasións poden seguir provocando morte entre as diferentes especies.
