Este xoves 21 será unha xornada marcada pola estabilidade atmosférica e polo ascenso moderado das temperaturas.
Segundo as previsións meteorolóxicas, agárdanse néboas nas comarcas do interior durante as primeiras horas do día, mentres que no resto da comunidade predominarán os ceos pouco nubrados ou despexados, con presenza de nubes altas que non impedirán o paso do sol.
No litoral das Rías Baixas existe posibilidade de brétemas costeiras, especialmente durante a mañá.
As temperaturas experimentarán un moderado ascenso, máis acusado nas mínimas, deixando unha sensación térmica máis suave nas primeiras horas da xornada.(25 a 27 graos)
En canto aos ventos, soprarán frouxos do suroeste en xeral, rolando a compoñente leste ao final do día. Na zona de Bares poderanse rexistrar refachos moderados.
O noso mar: vento do sudoeste á mañá, do oeste á tarde e do norte á noite, forza 1 a 2 á mañá e 1 a 3 á tarde e á noite. Mar rizado á mañá e á tarde e mar ovellado á noite. Visibilidade boa. Mar de fondo do noroeste á mañá e oeste á tarde e á noite, con ondas de 1.5 a 2 metros á mañá e 2 a 2.5 metros á tarde e á noite.
