Galicia estará este venres baixo a influencia dunha borrasca situada ao oeste de Portugal, que enviará distintas liñas de inestabilidade sobre a comunidade.
A xornada comezará con ceos nubrados e precipitacións máis intensas na metade leste do territorio durante a mañá. Co avance do día, as chuvias irán quedando en forma de chuvascos, máis probables nas zonas do interior e con posibilidade de aparello eléctrico en puntos concretos.
As temperaturas mínimas experimentarán un moderado ascenso, mentres que as máximas descenderán de maneira apreciable, situándose en valores baixos para esta época do ano/16 a 18 graos).
En canto ao vento, soprará frouxo do sur-suroeste na maior parte de Galicia, con maior intensidade no litoral. Ao final do día tenderá a virar a compoñente leste-nordés.
O noso mar; vento do sur á mañá, do sur á tarde e do nordés á noite, forza 2 a 3 á mañá, 3 a 4 á tarde e 3 a 5 á noite. Mar ovellado á mañá e marusía á tarde e á noite. Visibilidade boa. Mar de fondo do noroeste, con ondas de 0.5 a 1 metros.
