Ocorreu preto das dúas desta madrugada na PO-530, ao paso pola parroquia de Tremoedo, en Vilanova.
A persoa que chamou ao 112 Galicia para pedir axuda asegurou que o vehículo implicado no accidente continuou a marcha.
Tras ser atropelada, a vítima quedou tendida no medio da vía e, malia os esforzos do equipo sanitario, nada puido facerse para salvarlle a vida.
De feito, durante a súa chamada ao 112, o alertador avanzou o estado delicado do ferido.
En canto aos recursos intervenientes, os xestores do Centro Integrado de Atención ás Emerxencias avisaron aos profesionais de Urxencias Sanitarias de Galicia-061 e aos axentes da Garda Civil de Tráfico.
