A Asociación Camiño de Santiago do Barbanza. A Orixe inaugurará este xoves, 14 de maio, ás 19.00 horas, a exposición itinerante «Culto e cultura xacobea no Barbanza e Sar», nun acto que terá lugar no Salón do Peregrino da Hospedería Seminario Maior, situada no Mosteiro de San Martiño Pinario.
A mostra, de carácter divulgativo, reúne unha selección de testemuñas do patrimonio histórico e artístico vinculadas ao fenómeno xacobeo ao longo do itinerario de peregrinación do Barbanza e Sar, no que a entidade traballa para a súa rehabilitación desde o ano 2017. Entre os materiais expostos inclúense varias pezas antigas recuperadas recentemente e inéditas ata o momento para o público.
O comisariado da exposición corre a cargo do palmeirán, Antonio González Millán,director do Mueso Valle-Inclán, mentres que a reportaxe fotográfica foi realizada polo sonense, Adolfo Enríquez.
Desde a asociación, presidida por Manuel Villar Iglesias, subliñan a importancia de recuperar e promover con rigor os valores históricos e culturais vinculados ao Camiño de Santiago, considerado un símbolo universal da peregrinación xacobea e declarado polo Consejo de Europa como Primeiro Itinerario Cultural Europeo no ano 1987.
A exposición poderá visitarse entre os meses de maio e outubro no horario habitual do espazo que a acolle.
O acto inaugural contará coa asistencia confirmada do arcebispo de Santiago de Compostela, ademais doutras autoridades e representantes institucionais e culturais.
