O balonmán español está de loito tras coñecerse o falecemento de Gabi Ben Modo, exxogador profesional, ocorrido este venres aos 58 anos en Ribeira, localidade na que residía desde hai anos.
Nado en Malabo en 1968, Ben Modo desenvolveu unha destacada traxectoria deportiva que o levou a ser considerado un dos grandes pivotes ofensivos da súa xeración. Ao longo da súa carreira estivo vinculado en distintas etapas á Sociedade Deportiva Teucro, club co que deixou unha pegada importante tanto dentro como fóra da pista
Recoñecido pola súa potencia física e capacidade goleadora, o deportista foi unha figura moi respectada no balonmán galego e nacional. Tras a súa retirada, mantivo o seu vínculo co deporte e a comunidade local, onde era amplamente apreciado.
A capela ardente foi instalada no Tanatorio do Barbanza, en Ribeira. O funeral terá lugar o vindeiro luns ás 20:30 horas na igrexa parroquial de Santa Uxía.
Familiares, amigos e antigos compañeiros expresaron o seu pesar pola perda dunha figura clave do balonmán, recordándoo non só polos seus logros deportivos, senón tamén pola súa calidade humana.
