O Consistorio de Noia anunciou que achegará apoio loxístico (previa solicitude) ás persoas que participen na tradicional peregrinación nocturna a Santa Rita. A actividade celebrarase na noite do 21 ao 22 de maio.
A activación do protocolo de apoio loxístico estará condicionada á inscrición dun grupo mínimo de persoas e as prazas son limitadas.
A peregrinación a Santa Rita é un clásico das peregrinaxes a Santiago por estas datas, que coincide coa festividade de Santa Rita, o 22 de maio, e que conclúe na Igrexa de San Agostiño en Santiago, onde acoden ducias de fieis procedentes de Muros, Noia, Outes ou Porto do Son.
Este ano cúmprense 400 anos desde que Santa Rita iniciou o proceso de beatificación e da consecuente canonización. Con ese motivo, será unha celebración especial que incluiría actos litúrxicos e festivas nas xornadas previas á do 22.
