O Concello de Boiro abre o prazo de preinscrición para o Campamento Concilia de Verán 2026 que se desenvolverá entre o 1 e xullo e o 28 e agosto. A preinscrición pode facerse entre o 5 e o 19 de maio.
O campamento desenvolverase en catro sedes distintas: nas instalacións do CEIP Santa Baia, no CEIP de Abanqueiro, no CEIP de Cespón e no Centro Social de Cabo de Cruz. O servizo levarase a cabo de 8.00 a 14.00 horas ou de 10.00 a 14.00 horas durante un ou dous meses.
Ofértanse un total de 220 prazas distribuídas entre os diferentes centros. O desenvolvemento das actividades estará baseado en técnicas de intervención participativas e activas, mediante as que se fomente a creatividade e os valores de respecto e solidariedade con enfoques non sexistas e con actividades planificadas segundo as idades e necesidades socioeducativas.
O prezo de participación será de 150 euros/ mes para o horario de 8.00 a 14.00 horas e 110 euros/mes para o horario de 10.00 a 14.00 horas, podéndose aplicar descontos nos casos de segundos irmáns, familias monoparentais ou persoas en exclusión social.
O prazo de preinscrición estará aberto entre o 5 e o 19 de maio e debe facerse mediante o rexistro xeral ou sede electrónica do Concello de Boiro e a documentación está dispoñíbel na web municipal.
