Arredor de 1.000 persoas persoas participaron este domingo 20 participaron na andaina solidaria Noia en marcha contra o cancro.
Foi, en palabras da organización (a xunta local da AECC), “unha auténtica marea verde de solidariedade percorreu a nosa vila nunha xornada para acompañar, concienciar e seguir sumando esforzos fronte ao cancro”. O Concello de Noia agradeceu “especialmente” o enorme traballo da Xunta Local da Asociación Española Contra o Cancro e de todas as persoas voluntarias que estiveron detrás da organización desta xornada.
Tamén colaboraron a Agrupación de Voluntarios de Protección Civil de Noia, Cruz Vermella, o GES e a Policía Local.
Nas redes a organización habilitou un álbum de fotos das persoas participantes.
A saída foi ás 17:00 horas desde a Alameda, cun percorrido de 3 quilómetros pola Alameda, centro histórico e paseo marítimo.
O prezo por participar foi de 8 euros para persoas adultas e de cinco euros para nenas e nenos de ata 12 anos.
Tamén foi posíbel botar unha man adquirindo o dorsal solidario.
