O C.C.D. Taragoña celebrará en 2026 dous torneos conmemorativos polo seu cincuenta aniversario, cun total de 56 equipos xa inscritos entre as categorías base e o fútbol feminino.
O segundo Torneo de Fútbol Base disputarase os días 20, 27 e 28 de xuño nas categorías prebenxamín, benxamín e alevín, mentres que o II Torneo de Fútbol Senior Feminino celebrarase o 6 de xuño en formato fútbol 7. A organización convida á participación de equipos de toda Galicia e tamén de Portugal.
En total tomarán parte 16 equipos en prebenxamíns, 16 en benxamíns, 16 en alevíns e 8 en feminino. O club destaca que estas citas forman parte do programa conmemorativo do seu medio século de vida e buscan reunir deporte, convivencia e proxección para a canteira e o fútbol feminino.
