Esta semana prosegue nas parroquias de Boiro a xira de encontros veciñais e participativos do Goberno local, baixo o lema Un café co alcalde. A nova parada será este martes 26 de maio, ás 20.00 horas, no Centro Social de Cures.
Esta será a sexta parroquia que visiten o rexedor (José Ramón Romero) e mailo seu equipo no marco destes encontros coa veciñanza que teñen como finalidade que os veciños e veciñas de cada parroquia poidan poñer de manifesto as necesidades conxuntas de cada núcleo. Con estes encontros búscase ter un contacto máis directo coa cidadanía e dar a oportunidade á veciñanza de que trasladen as súas peticións e demandas sen necesidade de desprazarse ao Concello.
Estas reunións son un complemento das xuntanzas que o alcalde e demais membros do goberno manteñen semanalmente de xeito individual con veciños e entidades que así o solicitan.
