Os bombeiros de Ribeira interveñen no interior dun garaxe na rúa Marcial de Adalid
Os efectivos do parque comarcal de Ribeira acudiron esta mañá á chamada dunha intensa fumareda no interior dun garaxe con acceso pola rúa Marcial de Adalid.
O fume produciuse nunha das plantas de aparcadoiro dun edificio situado na zona de Cristóbal Colón, aínda que o acceso dos servizos de emerxencia realizouse polo lateral da costa que comunica Marcial de Adalid coa rúa Rosalía de Castro.
Segundo as primeiras informacións, a alarma dun posible incendio orixinouse nunha das prazas cando un conductor deixou o coche encendido. Todo apunta a que a combustión orixinada xerou unha intensa fumareda no interior do garaxe .
A rápida intervención dos bombeiros permitiu controlar a situación sen causar danos no aparcadoiro, no que se atopaban estacionados preto dun cento de vehículos.
Polo momento non transcenderon danos persoais, aínda que a acumulación de fume obrigou a extremar as medidas de seguridade durante as tarefas de extinción e ventilación do espazo.
