O porto de Ribeira volve estar de loito este mércores. Este 6 de maio a primeira hora da mañá unha das persoas usuarias das instalacións portuarias deu aviso ao 112 pola presenza dunha muller indisposta nas instalacións do porto. Resultou ser unha veciña de Ribeira de 58 anos, segundo confirmaron os corpos policiais (Policía Local e Policía Nacional), que acudiron ao lugar co persoal médico do PAC de Ribeira, co GAEM (Protección Civil) e con profesionais das ambulancias do 061. Os profesionais sanitarios traballaron durante arredor dunha hora pero non puideron facer nada para reanimar a muller, que acabou falecendo por parada cardíaca. O levantamento do cadáver levouse a a cabo sobre as 15.00 horas.
