A Praza do Emigrante de A Pobra do Caramiñal acolleu na mañá deste martes 26 de maio a entrega dos premios correspondentes á campaña Merca no Teu Comercio, que se desenvolveu entre o 1 e o 15 de maio nos municipios de A Pobra do Caramiñal, Porto do Son e Portosín, cun total de 3.360 tíckets rexistrados.
Entre os consumidores que mercaron nos establecementos destas localidades durante a iniciativa, sorteouse un total de 1.000 euros, repartidos en 20 tarxetas prepago de 50 euros. Os gañadores recibiron esta mañá o seu premio, que deberán empregar en novas compras no comercio de proximidade local.
Merca no Teu Comercio ten Premio é unha campaña de promoción e dinamización das vendas do comercio de proximidade dos municipios rurais organizada pola Federación de Comercio de A Coruña, a Federación Galega de Comercio e a Xunta de Galicia, coa colaboración neste caso da Asociación de Comerciantes de A Pobra do Caramiñal e a Asociación de Empresarios de Portosín.
Na entrega de premios desta mañá participaron representantes das entidades organizadoras, entre eles, José Antonio Seijas Castro, presidente da Federación de Comercio de A Coruña; o seu homólogo na Asociación de Empresarios de A Pobra, José Antonio Vidal; Luis Fernández, secretario xeral da Federación Galega de Comercio; e María Elisa Alfonso, directora de oficina de Abanca na Pobra; e outros.
