A Área de Deportes do Concello de Rianxo publicou as bases e o calendario de inscrición do programa Concilia Verán 2026, que inclúe o Campamento e o Plan Madruga de Verán (espazo de recepción e coidado de crianzas nas horas previas á actividade do campamento).
O programa desenvolverase entre o 22 de xullo e o 4 de setembro. A gran novidade deste ano será o horario do campamento de (de 10.00 a 14.00 horas). Ademais, ampliarase o servizo á primeira semana de setembro. O prazo de inscrición permanecerá aberto desde o luns 11 de maio ata o luns 25 de maio, ambos incluídos. A matrícula pódese formalizar en liña a través da sede electrónica municipal.
A rapazada destinataria serán os nenos e nenas nados entre o 2014 e o 2022, ambos incluídos. As actividades desenvolveranse no IES Félix Muriel Rianxo, no CEP Brea Segade Taragoña e no CEIP Ana Ma Diéguez Asados. As prazas do campamento son 195 campamento completo e 60 por bloques (IES Félix Muriel: 105 completo, CEP Brea Segade: 60 completo e CEIP Ana Ma Diéguez: 30 completo). As prazas do Plan Madruga son 60.
