Nas Rías Baixas e en Santiago agárdase un domingo marcado pola inestabilidade atmosférica, con ceos de nubes e claros e un aumento progresivo da nubosidade de evolución ao longo da xornada. Esa situación deixará chuvascos de carácter treboento, máis probables na segunda metade do día.
As temperaturas manteranse sen cambios salientables, polo que continuará un ambiente semellante ao dos últimos días (30 a 32 graos máxima). O vento soprará do nordés, frouxo no interior e moderado na costa, con intervalos fortes nos arredores de Bares.
O noso mar: Vento do nordés á mañá e á noite e do oeste á tarde, forza 2 a 4 á mañá, 1 a 2 á tarde e 2 a 3 á noite. Mar ovellado á mañá e á noite e mar rizado á tarde. Visibilidade boa á mañá e regular á tarde e á noite. Mar de fondo do noroeste, con ondas de 0.5 a 1 metros.
