Outro verán máis, O Porto do Son pon en marcha a iniciativa Movida Urbana, os campamentos de verán de conciliación e de lecer dirixidos á rapazada de entre 3 a 12 anos (nados/as entre 2014 e 2022).
Esta proposta terá lugar do 13 de xullo ao 14 de agosto, de luns a venres en horario de 10:00 a 14:00 horas, e se levarán a cabo en 3 localizacións: O Porto do Son, Portosín e Xuño.
As familias interesadas poderán anotarse no campamento completo ou na quenda que prefiran: a primeira quenda do 13 ao 31 de xullo e a segunda quenda do 3 ao 14 de agosto.
O formulario de inscrición xa está dispoñíbel para descargar na web municipal e o prazo para anotarse estará aberto desde mañá, 26 de maio, ao 18 de xuño. As solicitudes deberán realizarse a través do rexistro municipal ou da sede electrónica.
O campamento completo (13 xullo ao 14 de agosto) ten un custo de 125 euros; a primeira quenda (13 ao 31 de xullo) de 75 euros; e a segunda quenda (3 agosto ao 14 agosto) de 50 euros.
Haberá bonificacións para segundos irmás, familia numerosa ou persoas usuarias do servizo de Educación e Apoio Familiar do Concello.
As persoas interesadas poderán obter máis información na Oficina de Deportes, a través do teléfono 981 767 589 ou do enderezo electrónico omix@portodoson.gal.
