A entidade animalista Callejeros Boiro comunicou o horario e actividade da súa tenda solidaria na vila destinada a recadar fondos e apoios para o seu importante traballo pola poboación gatuna local e pola súa calidade de vida.
A tenda solidaria naceu, en palabras da asociación, cunha “idea moi sinxela”: darlles unha segunda oportunidade ás cousas que xa non usamos ou necesitamos “mentres axudamos tamén aos nosos peludos”. Todo o recadado destinarase integramente ao coidado dos gatos, cubrindo alimentación, area, gastos veterinarios e todo o necesario para que poidan seguir adiante mentres esperan un fogar. A tenda está en Estatuto de Galicia, 29, en Boiro.
Horario
Luns e Martes de 11.00 a 13.30 e de 17.00 a 20.00.
Os mércores pechado.
Xoves e Venres de 11.00 a 13.30 e de 17.00 a 20.00.
Sábado de 11.00 a 13.00
A asociación tamén agradeceu nas redes, en nome de Callejeros Barbanza e Callejeros Boiro, o apoio da Deputación da Coruña por “concedernos outro ano máis unha subvención que nos axuda a manter e seguir no noso labor atendendo as necesidades dous gatos da contorna que están baixo o noso coidado”. E engaden: “Seguimos mantendo as forzas e a ilusión coa que comezamos este proxecto e queremos tamén aproveitar este momento para convidar a calquera que queira unirse a esta familia a axudar aos peludiños facéndose voluntari@s”
