A cienasta mexicana Valentina Leduc presenta en Galiza a súa opera prima como directora: Los sueños que compartimos. Trátase dun documental rodado entre a nosa terra, Alemaña e México e que chega ao noso país logo de ter recibido o Premio de Estudios Splendor Omnia do Festival Internacional de Cine de Morelia, e de incluírse na 15ª edición do FICUNAM e na Primavera Documental do DocsMX (todos eles en México) e despois dunha intensa xira por Europa que o levou a máis de 20 cidades de Alemaña, Bélxica, Francia e Grecia.
Los sueños que compartimos proxectarase o próximo 21 de maio na sala Numax, en Santiago de Compostela, e nos seguintes días en Ferrol, e Boiro, para rematar o 24 en Vigo, sempre coa presenza da directora.
Xoves 21 de maio 19h – Numax – Santiago de Compostela
Venres 22 de maio – CS Artábria – Ferrol
Sábado 23 de maio 17h – CS Cespón – Boiro
Domingo 24 de maio 19h – CS A Nubeira – Vigo
Nun panorama saturado por narrativas distópicas, Os soños que compartimos, debut como directora dunha das figuras máis influentes no cine documental de México das últimas décadas, suxire un utópico 2050, ofrecendo unha ollada retrospectiva que debulla diferentes logros sociais, ambientais e políticos grazas á fórmula da organización comunitaria.
Cunha traxectoria que inclúe catro premios e cinco candidaturas da Academia Mexicana de Artes e Ciencias Cinematográficas, Valentina Leduc Navarro deixou a súa pegada en películas de cineastas fundamentais do cinema americano. Foi xurado en diversos festivais e compartiu a súa visión en seminarios e obradoiros, tanto en México como no estranxeiro.
Los sueños que compartimos é o seu paso natural cara á dirección, sen abandonar a sensibilidade que sempre caracterizou a súa ollada como editora, debutando cunha historia imprescindíbel de resistencia.
O documental conta con fotografía de Juan Carlos Rulfo, música orixinal de Leonardo Heiblum e Natalia Pérez Turner, e foi producido por un equipo de importante traxectoria no cine mexicano: Bertha Navarro, Alejandro Springall, Carolina Coppel, Eduardo Díaz Casanova e Mariana Castro.
Filmado en máis de dez locacións en México e Europa, Los sueños que compartimos traza una xeografía de resistencias e esperanza que une territorios, linguas e loitas: desde os Caracois Zapatistas en Chiapas, que propoñen o traballo común, horizontal, sen propiedade privada; medioambientais
acompañando en Lützerath, Alemania, a activistas que enfrontan á mineira de carbón máis grande de Europa; en Froxán, Galicia, a centos de familias que reconstrúen o bosque ancestral que foi reemprazado polo monocultivo do eucalipto; e en Puebla, México, onde as comunidades Cholultecas loitan por recuperar a auga, o territorio e a dignidade.
