Este martes 5 de maio ás 20:30 h a Casa da Cultura Antón Avilés de Taramancos (Casa da Cultura de Noia) acollerá a conferencia que ten por título Tecedeiras: arte e talento na sombra.
A charla será impartida polo arqueólogo e investigador Manuel Rodríguez Calviño, nun encontro que achegará ao público ás creacións e ao legado das tecedeiras, poñendo en valor o seu traballo e a súa importancia na nosa cultura.
A actividade vén da man do Club de Lectura María Mariño en colaboración co Concello, que lembra que estamos ante “unha oportunidade única para descubrir a historia e o talento oculto detrás da arte do tecido”.
Manuel Rodríguez Calviño é un dos grandes expertos galegos no legado das tecedeiras. Conta cunha colección formada por máis de cento setenta pezas de tecido popular galego, entre as que destacan os máis de cento dez cobertores e alfombras. Trátas dunha das maiores coleccións privadas en Galicia, na que están presentes obras de toda a xeografía e están representadas a práctica totalidade das técnicas, tecidos e materiais empregados polas nosas tecedeiras ata ben andada a metade do século XX.
