A U.D. Queiruga celebrará este 30 de maio a súa primeira festa, unha xornada que combinará deporte, gastronomía e música no Campo de Fútbol municipal.
O programa comezará ás 10:00 horas cunha andaina con dúas modalidades, unha curta de 8 quilómetros e outra longa de 13, seguida dunha xuntanza cabalar con 20 quilómetros de ruta pola contorna. A organización lembra que cada xinete fará cargo dos danos que poida ocasionar o seu cabalo.
Xa ao mediodía, ás 14:30 horas, celebrarase a gran churrascada e paella, con comida con reserva e un menú de churrasco, criollo, paella e postre por 20 euros, bebida non incluída. Os menores de 12 anos pagarán 12 euros.
A tarde continuará ás 17:00 horas cun bingo infantil de máis de cinco sortes e, ás 20:00 horas, terá lugar a gran festa coa actuación de Mateo Abelleira e DJ Ysius. A organización mantén aberto o prazo de inscrición e compra de tickets por correo, por teléfono e tamén no bar consultorio.
