A Asociación de Empresarios de Ribeira realizou este luns 4 de maio o sorteo da Campaña do Día da Nai “Agasalla a mamá”, unha iniciativa impulsada co obxectivo de fomentar as compras no comercio e na hostalaría local e premiar a fidelidade da clientela.
Segundo informou a AER, a campaña acadou “unha excelente resposta por parte da cidadanía”, superando os 3.000 tíckets rexistrados, “unha cifra que confirma a gran acollida da acción e o compromiso dos consumidores co tecido empresarial de Ribeira”, destacaron os empresarios de Ribeira.
As persoas premiadas nesta edición foron:
Rosana Olveira, gañadora do premio de 1.000 €, cun tícket rexistrado no establecemento Os Nenos.
Victoria Alonso, premiada cunha cea para dúas persoas, tras realizar a súa compra en Federópticos Filgueira Martínez.
Pilar Ageitos, agraciada cunha cesta da compra por consumir no café bar O Delas.
Yoli Paz, quen tamén recibiu unha cesta da compra cun tícket rexistrado en Genas.
Inés Lorenzo, gañadora dun vale de combustible Cepsa, tras consumir no restaurante El Golimbreo.
Desde a Asociación de Empresarios de Ribeira agradeceron “a participación de todas as persoas que formaron parte desta campaña” e que, unha vez máis, “apostaron polo comercio e a hostalaría local, contribuíndo á dinamización económica e social do municipio”.
A entidade traslada tamén os seus parabéns ás persoas premiadas e destaca a importancia de continuar promovendo iniciativas que impulsen o consumo de proximidade e poñan en valor o papel fundamental do tecido empresarial local.
