Galicia situarase nesta xornada nun escenario de transición entre altas e baixas presións, cunha progresiva influencia anticiclónica que favorecerá unha mellora do tempo co avance das horas.
Durante a mañá agárdanse néboas e nubes baixas en zonas do oeste e do interior, que irán disipándose para dar paso pola tarde a ceos máis abertos, con presenza de nubosidade alta. Na metade norte manterase unha maior presenza de nubes ao longo do día.
No que respecta ás temperaturas, as mínimas sufrirán un lixeiro descenso, especialmente nas provincias atlánticas. Pola contra, as máximas experimentarán un ascenso entre lixeiro e moderado(18 a 20 graos), agás na metade norte da provincia de Lugo, onde se prevé unha baixada.
Os ventos soprarán frouxos de compoñente oeste-suroeste en xeral, con intervalos moderados na zona de Fisterra.
O noso mar; vento do sur á mañá, do oeste á tarde e do norte á noite, forza 1 a 2 á mañá e 1 a 3 á tarde e á noite. Mar rizado á mañá e mar ovellado á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 4 a 4.5 metros á mañá, 3 a 3.5 metros á tarde e 2 a 3 metros á noite.
