Galicia estará durante o Venres Santo baixo a influencia dun anticiclón, o que deixará unha xornada de tempo estable en boa parte do territorio.
Nas primeiras horas do día poderán formarse néboas e nubes baixas en zonas do interior de Galicia, que irán desaparecendo co paso das horas para dar lugar a ceos xeralmente despexados. Ao longo da xornada agárdase tamén a entrada de nubes altas, sen consecuencias destacables.
No que respecta ás temperaturas, as mínimas descenderán, con posibilidade de xeadas en áreas do interior, mentres que as máximas experimentarán un moderado ascenso, deixando un ambiente máis agradable durante o día. (máximas de 22 graos).
O vento soprará frouxo do norte-noroeste en xeral, con intervalos de maior intensidade no litoral atlántico.
O noso mar: vento do norte á mañá, do noroeste á tarde e do norte á noite, forza 2 a 4 á mañá, 3 a 4 á tarde e 1 a 2 á noite. Marusía á mañá e á tarde e mar rizado á noite. Visibilidade boa. Mar de fondo do noroeste, con ondas de 0.5 a 1.5 metros á mañá, 1 a 2 metros á tarde e 1.5 a 2.5 metros á noite.
