A Asociación Folclórica Chorimas de Queiruga (Porto do Son) vai celebrar a festa do 1 de maio coa cuarta edición da Foliada dos Maios, organizada en colaboración co Concello do Porto Son.
A cita será este venres 1 de maio a partir das 20.00 horas na Casa da Cultura de Queiruga e incluirá unha foliada libre a xeito de colofón.
“Por cuarto ano volvemos xuntarnos para celebrar a nosa música, o baile e a tradición como máis nos gusta: en comunidade e con moita festa”, indican dende a asociación.
Contarase coa presenza dun parte moi relevante dos grupos de música e baile tradicional do Barbanza: Arrancadeira, O Facho (Tahume), Nunca é Tarde, Eiradela, Escola Tahume, Rumbía, Bailadela, A Pedra da Aroña, Rianxeira da Covecha, As Sete Linguas, Alixeiras e Sivalveiras.
