Vivimos nunha sociedade da información e aínda que semelle un paradoxo cada vez atopámonos máis desinformados, utilizados e enganados, grazas ás trolas e mentiras que algúns medios públicos e privados trasládannos cada día. Poucos son os medios de comunicación que publican, editan ou transmiten as informacións de maneira obxectiva porque se atopan sometidos e en situación de vasalaxe cos grupos empresariais ou políticos que lles publicitan habitualmente co desembolso de cantidades económicas importantes.
Os diferentes medios de comunicación manteñen as súas liñas editoriais segundo a ideoloxía e os intereses das súas empresas privadas, ben sexan progresistas, conservadoras, antisistema ou populistas, pero o que non pode ser é que se neguen a informar sobre a realidade obxectiva e prevalezan as súas ideas politicamente partidistas e sectarias.
Non nos podemos esquecer que moito medios de comunicación, por non dicir todos, reciben importantes axudas ou subvencións públicas das diferentes Administracións Públicas (Concellos, Deputacións, Comunidades Autónomas e Goberno Central) é dicir diñeiro de todos os cidadáns que non se deberían empregar en sufragar as campañas electorais de certas formacións políticas.
