O Concello de Outes informou de que vén de entrar na recta final o prazo de inscrición para o Campamento de Verán 2026 do Programa “Outes Concilia”, iniciativa para achegar ás veciñas e veciños recursos que lles permitan harmonizar a vida laboral e familiar en tempo de vacacións. De feito, o prazo pecha este mércores 29 de abril (ás 14.00 horas).
Habilitarase un total de 320 prazas, distribuídas en 6 quendas, estarán dispoñibles para as familias con menores desde os 3 anos (escolarizados) ata os 16 anos.
As solicitudes de inscrición deberán presentarse conforme as bases e condicións específicas desta convocatoria a través dos modelos normalizados establecidos ao efecto na páxina web. Poden presentarse de xeito telemático a través da sede electrónica do Concello de Outes ou de xeito presencial no Rexistro do Concello de Outes (horario de 9:00 a 14:00 horas, de luns a venres).
