O Concello de Noia segue apostando polo seu tecido asociativo e no marco desta liña de traballo asinou convenios de colaboración, nestas últimas semanas, con múltiples asociacións e clubs deportivos do concello, ao abeiro do programa municipal de axudas e subvencións destinadas a favorecer e reforzar a actividade das entidades. Entre estas atopábanse o club de fútbol sala Noia Portus Apostoli, a Fundación Romero Blanco Monroy, a Escola Feminina de Fútbol Sonoia Portus Apostoli, a Escudería Berberecho (responsábel do histórico rallie do mesmo nome) a o Club Trabandainas, unha das entidades do Barbanza que máis traballa por reivindicar as actividades ao aire libre e en plena natureza.
“Dende o Concello queremos reiterar o noso compromiso con todas estas entidades que, dende diferentes ámbitos, realizan unha labor fundamental: promoción da saúde, apoio social, impulso do deporte de base e, en definitiva, tecer comunidade para construír a Noia que queremos”, explicou o alcalde noiés, Francisco Pérez.
