Dende a Consellería de Emprego, Comercio e Emigración veñen de anunciar a concesión dunha axuda por importe de 105.775,71 euros para o Concello de Boiro dentro do marco da orde de Galicia Suma Talento: Rural Activo.
Indo á subvención, sinalar que grazas a ela vanse contratar un técnico forestal e cinco peóns durante 9 meses. Boiro conta con máis de 100 entidades singulares nas parroquias que deberán ter faixas de 50 metros de roza e retirada das especies para previr a propagación dos lumes. O obxectivo desta axuda é a prevención dos incendios forestais nas faixas secundarias dos núcleos rurais do Concello de Boiro durante o ano 2026.
As funcións a desenvolver do técnico forestal serán as de inspeccionar as parcelas incluídas nas franxas de prevención dos núcleos de poboación, identificando aos propietarios que incumpran os criterios da xestión da biomasa. Pola súa banda, os peóns participarán das tarefas de roza de parcelas municipais de influencia forestal e os camiños públicos que requiran roza manual.
Engadir que a contratación do persoal realizarase mediante o Servizo Público de Emprego.
