O vindeiro 27 de abril ás 12:00 horas, a Igrexa Parroquial de San Vicente de Noal acollerá o acto de entrega da Medalla de Ouro do Concello do Porto do Son a José Antonio Vila Brión, unha distinción coa que se recoñece a súa traxectoria e compromiso exemplares para co municipio. O acto será público para que poidan asistir as veciñas e veciños que así o desexen. Contarase coa presenza do arcebispo de Santiago de Compostela, Francisco José Prieto.
José Antonio Vila Brión exerceu durante anos como sacerdote en Baroña e Xuño.
Antes do seu traballo como sacerdote nas ditas parroquias exerceu como capelán militar durante máis de tres décadas. En outubro de 2021, foi un dos catro sacerdotes veteranos condecorados pola súa longa traxectoria e labor pastoral na zona durante a celebración do Pilar.
