Este venres 17 de abril arrinca en Noia a segunda edición do Festival do Humor “Pedro Brandariz”, que homenaxea a figura do humorista do mesmo nome, actor, cómico e escritor galego recentemente falecido e que mantiña fortes vencellos coa actividade cultural noiesa, nomeadamente coa súa Mostra de Curtas, aínda que tamén con outras actividades.
Segundo informou a Concellería de Cultura, o Teatro Coliseo Noela énchese de humor “con catro espectáculos que non nos podemos perder perder”.
17 de abril – Compañía OutraCousa
1 de maio – Patricia Galván
22 de maio – Marta Doviro
29 de maio – Pepo Suevos
Todas as funcións serán ás 21.00 horas.
Achégase a posibilidade de mercar un bono de 20 euros (máis gastos de xestión) para asistir a todas as funcións, pódese adquirir en Ataquilla.com.
Tamén se poden mercar as entradas para cada espectáculo de xeito individual (7 euros máis gastos).
As prazas son limitadas.
