O Concello de Rianxo, a través do alcalde Julián Bustelo, informou que nas vindeiras semanas darase continuidade á actuación para renovar a beirarrúa na rúa Os Gudiños, unha zona que segundo lembra o rexedor “congrega cada vez máis establecementos comerciais e na que a beirarrúa leva moito tempo deteriorada”. A intención sinalou, é “seguir renovando as beirarrúas deterioradas en toda a zona e co obxectivo de facelas seguras para o tránsito de todos os veciños e veciñas”.
Ao final dos traballos estará completada a renovación da zona sur (244 metros cadrados dende Arcos Moldes ao parque da Martela) e da zona norte (137 metros cadrados), ademais dun lateral sur do Centro de Saúde de 38 metros cadrados.
Bustelo lembra que xa nos últimos dous anos foi renovado o treito situado na fronte do Centro de Saúde e unha primeiro tramo da rúa Os Gudiños.
