Os que levamos moito anos defendendo o Dereito á Vivenda sentimos vergoña de ver e escoitar a demasiada xente que presume de falar e defender ese dereito constitucional e centrar toda a solución en máis construción de novas vivendas mentres se enriquecen con alugueiros abusivos ou a través de alugueiros turísticos. Xente que non quere saber nada sobre a regulación, a intervención ou o establecemento de topes aos alugueiros para minorar as consecuencias da actual emerxencia habitacional que estamos a vivir en moito pobos e cidades.
A maioría das Comunidades Autónomas non queren aplicar a Lei de Vivenda, violando a lexislación vixente, para que os fondos de investimento, grupos inmobiliarios, grandes propietarios ou propietarios en xeral a través da especulación enriquécense á conta dun ben de primeira necesidade. Pola súa banda, moitos Concellos non están polo labor de favorecer alugueiros de vivendas habituais, seguros e con rendas alcanzables para a maioría de cidadáns. Miran para outro lado, favorecendo así a algúns propietarios para que continúen especulando, impoñendo importes abusivos ás rendas de alugueiros.
A okupación continúa sendo a arma arreboladiza da dereita política e mediática porque moitos deses políticos e profesionais da información son arrendadores dun número importante de vivendas e aprovéitanse das circunstancias á conta das familias máis humildes e vulnerables.
