Xornada do sábado 11 marcada pola inestabilidade atmosférica, baixo a influencia das baixas presións que se achegan desde o Atlántico. Unha fronte pouco activa entrará durante a madrugada, condicionando o tempo nas primeiras horas do día.
Activada a alerta laranxa por temporal costeiro en todo o litoral galego. Suspéndese a actividade deportiva do programa Xogade e federada no mar nos concellos afectados
Pola mañá predominarán os ceos moi nubrados, con precipitacións febles na metade leste do territorio, que irán remitindo a medida que avance a xornada. Co paso das horas, agárdase unha progresiva apertura de claros en conxunto en toda a comunidade.
No apartado térmico, as temperaturas mínimas experimentarán un descenso moderado, mentres que as máximas sufrirán unha caída notable, con valores baixos para esta época do ano. (máximas de 11 a 14 graos)
En canto ao vento, soprará de compoñente norte con intensidade moderada en xeral, podendo acadar intervalos fortes no litoral das Rías Baixas, o que contribuirá a aumentar a sensación de frío durante a xornada.
O noso mar: Vento do norte á mañá e á tarde e do nordés á noite, forza 5 a 6 á mañá, 4 a 6 á tarde e 2 a 4 á noite. Forte marusía á mañá e á tarde e mar ovellado á noite. Visibilidade boa. Mar de fondo do noroeste, con ondas de 2 a 3 metros á mañá, 3 a 4 metros á tarde e 4 a 5 metros á noite.
