O Concello de Boiro celebrou este venres 10 de abril o tradicional Xantar de Confraternidade das persoas maiores con 600 comensais. O alcalde, José Ramón Romero, e membros da Corporación local participaron no xantar ao que tamén asistiron Perfecto Rodríguez, xerente do Consorcio Galego de Servizos de Igualdade e Benestar; Mar García, deputada de Servizos Sociais da Deputación da Coruña; o alcalde da Pobra, José Carlos Vidal; a concelleira da Pobra, Patricia Lojo; e o concelleiro de Ribeira, Vicente Mariño.
O alcalde agradeceu a presenza das autoridades e das persoas maiores que “traballaron por construír o que hoxe temos. Dende o Concello de Boiro imos seguir traballando por mellorar a calidade de vida e atender as necesidades das persoas maiores”.
O menú do xantar consistiu en boi, lagostinos (cigalas), camaróns, pescada e carne; e continuou con acompañamento musical de Mar Davila.
