A Asociación Francisco Lorenzo Mariño de Aguiño vai presentar este venres 10 de abril, na Casa do Mar ás 20:00 horas, a novela corta A Forcadiña, da autora ribeirá Carmen González, que estará acompaña de Xabier López Marqués, mestre e escritor, e Unai González Suárez, vicepresidente da entidade.
A entrada é gratuíta dende 1/2 h antes e quen o desexe poderá mercar alí a novela para que a autora lla asine.
O acto estará presentado por Unai González Suárez como vicepresidente da asociación FLM e xestor cultural do Concello de Ribeira; acompañará á autora, Carmen González, o profesor de literatura de ensino medio e escritor, Xabier López Marqués.
No acto tamén se poderá adquirir a novela que asinará a autora ao finalizar o mesmo, a calquera persoa que o desexe, o prezo é de 17€.
O libro A Forcadiña foi editado polo selo galego Medulia.
A Forcadiña é unha novela que ambientada en Ribeira no espazo temporal comprendido entre os anos oitenta e a actualidade, “nunha cidade tranquila onde as vidas das xentes transcorren con normalidade arredor do mar que a acariña… ata que un día acontece algo que deixa unha fonda pegada en toda a cidadanía”.
