Este martes 14 de abril Ribeira amenceu cun importante dispositivo policial no porto, trala aparición na dársena de Santa Uxía dun cadáver encadeado a unha escada, no espazo comprendido entre o barco Tres de Sempre e a estrutura do peirao. Segundo informou La Voz, puido ser unha persoa que emprega o dito barco para pasar as noites (a día de hoxe en proceso de venda) quen avisou da aparición da persoa falecida no mar. Trataríase dun home de 43 anos veciño de Ribeira pero residente en Xuño.
No dispositivo traballaron ao longo de todo o día axentes da Policía Nacional e da Garda Civil, e tamén Salvamento Marítimo e os Bombeiros de Ribeira, quen foron os os que se encargaron de liberar (tras ser trasladados na lancha de Salvamento) o corpo amarrado con cadeas e cadeados. A investigación está aberta e non pode ser desbotada ningunha hipótese, nin sequera a do suicidio. Ao parecer os axentes puideron recuperar a carteira e máis o teléfono móbil da persoa falecida, o que podería despexar algunha incógnita sobre o suceso.
