Ana Alvite García, enfermeira de 25 anos de idade natural de Ribeira, será a nova secretaría xeral das Xuventudes Socialistas da Galicia (XSG) logo de pecharse este luns 20 o prazo para presentar candidaturas e ser a súa a única proposta achegada. Alvite, que a día de hoxe é secretaria de Benestar e Políticas Sociais nas Xuventudes, comezará a partir deste mes unha rolda de contactos polas agrupacións para debullar o seu proxecto e atender á militancia. Alvite substitúe no seu cargo a Xurxo Doval como secretario xeral, que abandonará a dirección das Xuventudes Socialistas antes do verán.
Ana Alvite concorreu como número 2 na lista do PSdeG ás municipais en Ribeira, acompañando a Francisco Suárez-Puerta. A súa candidatura presentouse co epígrafe É agora e fixo fincapé na defensa dos servizos públicos (sanidade, educación, etc), na igualdade ou nas medidas que solucionen os problemas da cidadanía para acceder a unha vivenda. Tamén avogou pola protección dos recursos naturais galegos e da súa lingua.
