O Concello de Rianxo informou que a Deputación da Coruña vén de dar o visto e prace definitivo ao proxecto para ampliar a rede de saneamento no lugar de Tronco.
Esta aprobación súmase, hai unhas semanas, á autorización da Dirección Xeral de Enerxías Renovables e Cambio Climático, a proposta do Servizo de Litoral.
Segundo informou o alcalde Julián Bustelo, “agora que o ente provincial referendou o proxecto iniciamos a proceso de licitación da obra”.
A actuación conta cun orzamento de 208.785,50€ e permitirá conectar á rede municipal 15 vivendas do lugar e o camping.
O alcalde valorou o destacado de noticia despois de “moito tempo agardando por ela”.
Engadiu que estamos ante un proxecto destinado a mellorar as infraestruturas locais e dos núcleos do concello mediante unha instalación de bombeo que acabaría beneficiando a dúas ducias de vivendas.
