A Asociación Boirense de Empresas (ABE) e o autor Antón Rodríguez Gallardo presentan esta semana o libro Mans que teceron futuro, unha obra que recolle a historia e as traxectorias de mulleres de Boiro que contribuíron ao desenvolvemento económico e social do municipio. A cita será o venres 10 de abril ás 20.30 horas no salón de actos da ABE, en Boiro. Interveñen Antón Rodríguez Gallardo, autor; Daniel García, presidente da ABE; Tania Riveiro Rodríguez, profesora da área de didáctica das ciencias sociais da USC; e María Xesús Blanco López, presidenta da Asociación Cultural Barbantia,
O acto incluirá un peche musical a cargo de Andhrea & the Black Cats.
A ABE participa neste proxecto mediante o patrocinio dunha edición especial da publicación, reforzando así o seu compromiso coa posta en valor do papel das mulleres no desenvolvemento empresarial e social de Boiro.
