Ribeira continúa achegando formación ao cento de persoas participantes no Programa Integrado de Emprego de Ribeira, cun compromiso de inserción laboral do 45%. A alcaldesa, María Sampedro, e a concelleira de Promoción Económica, Carmen Sampedro, participaron este mércores 25 de marzo na entrega de diplomas ás 15 persoas participantes no curso de aplicación de fundamentos básicos en cociña, de 60 horas.
Despois procedeuse cunha degustación con representantes da hostalaría local para probar os resultados da acción formativa. Esta terceira edición está subvencionado pola Consellería de Emprego, Comercio e Emigración da Xunta de Galicia e o Servizo Público de Emprego Estatal.
